Photo:N.Kannan
உலகச் சூழல் தினம் ஜூன் 5
6 years ago
விளக்குப் போட்டுச் சொல்! காதலை!!
கொரியாவில் இப்போது இது பழக்கமாக இருக்கிறது. புதிய கட்டிடங்கள் கட்டி, விற்பனைக்குத் தயாராகி நிற்கும் போது, விளக்குப் போட்டு விளம்பரம் செய்வது. ஏதோ ரசிகர் போல, இப்படிச் செய்யத் தோன்றியிருக்கிறது!! (வலைத்தோசை:-)
விடியல்
காலை புலர்வது விடியலின் குறி. வாழ்வு இன்னொரு நாள் நீடிக்கிறது என்று பொருள். இன்றைய காலை. என்றும் போல் அது ஒன்றானது!
கருவுடை மேகம்
"கருவுடை மேகங்கள் கண்டால்
உன்னைக் கண்டால் ஒக்கும்!"-பெரியாழ்வார்
[என் அறையிலிருந்து விரியும் காட்சி-நா.கண்ணன்]
Keywords:Clouds, Rain, landscape, South Korea, Spring rain
முத்துச்சரம்
வான் மழை இன்று ஆழியுள் புக்கு கொடார்த்தேறி கம்பதினில் இன்று முத்துக் கோர்த்ததேன்? (படம்: நா.கண்ணன்)
நீர்த்துளி
இதை எப்படி எடுத்திருக்க முடியுமென்று யோசிக்கிறேன்!
Keywords: Water art, shutter speed, action photo, fast photo
அனகோண்டாப் பையன்!
நிச்சயமாக நான் எடுத்ததில்லை :-)
ஏதோ ஆதிசேஷன் மேல் படுத்திருக்கும் பத்மநாபன் போல் எவ்வளவு மகிழ்ச்சி முகத்தில்!![சுட்டபடம்]
Metal Art - உலோகக்கலை
முன்பு இயந்தரமாகிவரும் உலகு பற்றி கிண்டலடித்து சார்லி சாப்ளின் ஒரு படம் எடுத்தார். ஆனால் மாறி வரும் உலகில் இயந்திரங்கள் கலைத்தன்மை கொண்டவையாக மாறி வருகின்றன. பிரித்து, மடித்துப் பார்த்தால் கலை! பேப்பரில் செய்யும் கைவித்தை உலோகத்திற்கும் வந்துவிட்டது!
Keywords: Micro world, metal sheet, art work, nanotechnology.
ஜப்பானிய பாலத்தின் முன்னோடி!
2004-ல் எடுத்தது. கருப்பு-வெள்ளை படம். டிஜிட்டல் கேமிராவில் இதுவும் முடிகிறது! சீனாவின் ஷாங்காய் நகருக்கருகே உள்ள ஒரு ஏரி. இது இத்தாலிய வெனிஸ் போல் மிக அழகாக உள்ளது. இந்தப் பாலம் கட்டும் மரபை ஜப்பானியர் ஒரு உச்சத்திற்கு எடுத்துச் செல்கின்றனர்.
Keywords: China, black and white photography, bridge over water, lake
வாயில்
கோயில் வாயில் என்பது புகைப்பட அழகுள்ளது. இன்னும் சிறப்பாக எடுத்திருக்கலாம் என்றாலும் இது ஏற்றுக் கொள்ளக்கூடிய படமே. என்னை கிறிஸ்துமஸ் அன்று படமெடுத்தவர் குண்டூரி கிஷோர்குமார்.
யார் பாதம்?
புகைப்படத்தில் கோணம் என்பதே பிரதானம்! நன்றாகப் பாருங்கள் இன்னொருமுறை! (இதுவும் சுட்ட படமே ;-)
தலை வாரி....
Prof.Gil Jacinto
Higher Apes என்று சொல்லக்கூடிய உயிரினங்களில் Social grooming மிக முக்கியம். தலை வாரி பூச்சூடல், பேண் பார்த்தல் போன்றவை இதிலடங்கும். இப்படி இயல்பான படமெடுக்க எனக்கு ரொம்ப ஆசை. நண்பர் ஹசிந்தோ அவர்கள் Nikon zoom lence வைத்து இதை எடுத்தார். எவ்வளவு இயல்பாக இருக்கிறது!
ஏற்றம்
மலையேற்றம் என்பது ஆரோக்கியமானது. உயரத்தில் இருக்கும் போதுதான் தெரியும் கடந்து வந்த தூரமும், பாதைகளின் சிக்கலும்! உயரத்தில் இருப்பது எளிதானதல்ல. ஆபத்தானது. இருப்பை தக்க வைக்க விழிப்புடன் இருக்க வேண்டும்!
அடுக்குகல்
ஆசிய நாடுகளில் பல புத்த சமயத்தைத் தழுவின. ஆன்மீக நிலையில் உயர்ந்தலைக் குறிக்கும் பகோடா ஒரு புத்த குறியீடு. இதை எளிய வழியில் காட்டும் வகையில் கல்லை அடுக்கி வைக்கிறார்கள் இங்கு. இப்போது இது திருமலைக்கும் வந்துவிட்டது என்று கேள்வி!
ஜீப்னி - Jeepny
மணிலாவின் தெருக்களில் ஊரும் ஜீப்னி. 20-25 பேர்கள் செல்லக்கூடிய வாகனம். மூன்றாம் உலக நாடுகளின் இத்தகைய தேவையான கண்டுபிடிப்புகளுக்கு அறிவியல்-தொழில்நுட்பம் உதவினால் செலவற்ற போக்குவரத்து வசதி செய்யமுடியும். மணிலாவில் மீட்டர் உண்டு. யாரும், யாரையும் ஏமாற்றுவதில்லை!
Photo by N.Kannan
அமெரிக்க பட்டாம்பூச்சி
பட்டாம்பூச்சியைப் படம் பிடிப்பது கடினம். அதுவும் கைக்கேமிரா வைத்துக் கொண்டு கிட்டே போய்!!
Photo by N.Kannan
குரங்கிலிருந்து பிறந்தவன் மனிதன்
குரங்கிலிருந்து பிறந்தவன் மனிதன்,
கொம்பேறித்தாவும் குரங்கிலிருந்து பிறந்தவன் மனிதன்!
(ஸ்மித்சோனியன் அருங்காட்சியகத்தில். பாலூட்டிகளின் தோற்றம் எனும் ஆவணப்படம் பார்க்கும் சிறுவர்கள்)
Photo by N.Kannan
நியூயார்க் ஸ்டாக் எக்சேஞ்சில் இந்தியக் கொடி!
நியுயார்க் வால் ஸ்டிரீட் (Wall Street) போயிருந்தபோது நமது தேசியக்கொடி அமெரிக்க கொடியுடன் பறந்து கொண்டு இருந்தது? என்ன விசேஷம்? இந்தியாவை மெல்ல, மெல்ல உலகம் அங்கீகரிக்கத் தொடங்கிவிட்டதின் அறிகுறியா?
Photo by N.Kannan
ஊசி-நூல் 02
ஆடை இல்லாதவன் அரை மனிதன் என்னும் இழி சொல்லைத் தூரத்தள்ளும் தெருவோரத் தையற்காரர்!
Photo by N.Kannan
ஊசி-நூல் 01
அமெரிக்காவின் பேஷன் நகரமான நியூயார்க்கில் ஒரு தையற்காரருக்கு ஞாபகார்த்தம் வைத்திருப்பது சாலச் சிறந்ததே!
Photo by N.Kannan
மின்னல் ரயில்
மணிக்கு 500 கிமீ வேகத்தை எட்டும் ரயில். ஜெர்மானிய தொழில்நுட்பத்துடன் ஷங்காய் நகரில் அமைக்கப்பட்டிருக்கும் இந்த ரயில் சீனாவின் முன்னேற்றக்குறியீடு!
கோலாக் காதல்
கோலாக் கரடி, கரடியே இல்லை :-) எவ்வளவு அன்பு பாருங்கள். ஒரு முறை பெர்லின் விலங்காட்சியகத்தில் ஒரு சிம்பான்சி என்னை முத்தமிட்டுவிட்டது. அதுவொரு பெண் குரங்கு. ஆக, காதலுக்கு கண்ணில்லை :-))
Photo by N.Kannan
ஈருடல் ஓருயிர்
ஈருடல் ஓருயிர் என்று கவித்துவமாக நாம் பேசுவதுண்டு. ஆனால், ஆஸ்திரேலிய நீலமலையில் இரண்டு வெவ்வேறு இன மரங்கள் தற்செயலாக ஒன்றுடன் ஒட்டி உறவாட, பின் பிரியமுடியாதபடி இரு உடல் ஒரு உயிர் என்று கலந்துவிட்ட காட்சி.
Photo by N.Kannan
மரத்திலொரு சோளப்பயிர்!
இதைப்பார்த்தவுடன் சோளப்பயிர்தானே ஞாபகத்திற்கு வருகிறது. கூர்ந்து பாருங்கள் இயற்கையின் விந்தையை! இது கூம்பு மரம். ஆஸ்திரேலிய 'கடம்ப வனத்திலுள்ளது'. இயற்கை பல நேரங்களில் ஒரே template வைத்துக்கொண்டு பல இடங்களில் பதிப்பிப்பதுண்டு.
மாராப்பு விற்கும் ஆண்!
சோல் நகரத்து வணிகர்கள் 'பிரா' (மாராப்பு) விற்கும் திறன்!! (என்ன இது வெறும் ஆண்களுக்கான போட்டாவா போச்சு :-)
சிப்பாய் சிரிப்பதில்லை!
இங்கிலாந்து கோட்டையில் மட்டுமில்லை, கொரியக்கோட்டைகளிலும் சிப்பாய் சிரிப்பதில்லை! ஹி..ஹி..
ஆண்கள் மட்டும்!
அனுமதிக்கப்பட்ட ஆண்களுக்கான சுகங்களில் ஒண்ணுக்கடித்தலும் ஒன்று. ஏறக்குறைய 800மீ உயரத்திலிருந்து, சோல் கோபுரத்திலிருந்து...ஹி..ஹி..
எப்போது ராவ் மாசேதுங்கைச் சந்தித்தார்?
சமீபத்தில் ஷங்காய் சென்றிருந்தபோது ஃபுதோன் பல்கலைக்க்ழக அருங்காட்சியகத்தில் இப்படத்தைப் பார்த்தேன். நம்ம ஆளு மாதிரியே சீனாவில் ஒருத்தர் இருப்பது தெரிந்தது!
When did Narasimha Rao meet Chairman Mao?
சிலிர்க்கும் உயிர்ப்பூ!
இளவேனில் எனில் பூத்துவிடவேண்டும். கிளை முறிந்து உயிர் போகும் நிலையிலும்! வாழ்க!!
Subscribe to:
Posts (Atom)
About Me
My Blog List
-
-
பிட் நோட்டீஸ்7 years ago
E-Groups
|
| Roots வேர்கள், விழுதுகள், ஆலமரமாய்! |
| Make this Group yours too! |
|
| MinTamil தமிழ் மரபு, அதன் வேர்கள், மின் ஆலமாய்! |
| உங்கள் தமிழும் மின் தமிழாக! வாருங்கள்! |
மரபு விக்கி
THF Wiki
NetworkedBlogs
Rate this CD!
|
|
| Heritage Wiki மின்னுலக மரபுக்காட்சியகம்! |
| Make your contribution TODAY |